UMFUNDI OBEDELA UTHISHA UTHI UYAXOLISA: “NGEKE ESAPHINDA”
Umfundi waseBatlapaneng Secondary School, obonakale kwividiyo esabalale ezinkundleni zokuxhumana ekhomba uthisha ngomunwe ngesikhathi bexabana, usecele uxolo ngesenzo sakhe.
Lo mfundi uthe uyazisola kakhulu ngalokho akwenzile futhi wacela uxolo kuthisha, kuthishanhloko, kubafundi afunda nabo, esikoleni sonke kanye nakubantu ababone le vidiyo ezinkundleni zokuxhumana.
Uthe uyakuqonda ukuthi indlela aziphathe ngayo ibingafanele futhi wathembisa ukuthi ngeke aphinde enze into efana nalena.
Lo mfundi uphinde wacela uxolo nakubazali bakhe, ethi nabo bamangele kakhulu lapho bebona indlela aziphathe ngayo ngoba uthi ukhuliswe kahle futhi uyazi ukuthi ukuhlonipha othisha nabantu abadala kubalulekile.
Ngesikhathi ekhuluma exolisa, kubonakale ukuthi ubhekene nemizwa enzima, wajuluka kakhulu njengoba ezama ukuchaza ukuzisola kwakhe.
Le vidiyo yokuqala ibangele ukusabela okukhulu ezinkundleni zokuxhumana, abaningi begxeka indlela umfundi abonakale ekhuluma ngayo nothisha. Manje sekusabalale nevidiyo yakhe yokuxolisa.
Buka ividiyo ngezansi 👇
Thumela amazwana