Kubikwa ukuthi umfana oneminyaka engu-15, u-Tavari Pearson, usolwa ngokuhlasela nokudlwengula owesifazane obemluleka ngokwengqondo (therapist) e-United States.
Ngokwemibiko, lesi sigameko senzeke ngesikhathi lo mfana ephume nomeluleki wakhe beyokwenza uhlelo lokuzivocavoca (jogging), okuthiwa beluhloselwe ukumsiza ukuba azole futhi akhululeke emqondweni.
Kuthiwa ngesikhathi behamba, umsolwa kusolwa ukuthi uhlasele owesifazane, wamshaya ngesibhakela wamuwisa phansi, waphinde wamshaya ekhanda ngesitini. Kubikwa ukuthi ngemva kwalokho wamdlwengula wamshiya ecabanga ukuthi usefile.
Isisulu sitholakele sisaphila futhi njengamanje sithola ukwelashwa esibhedlela ngenxa yokulimala okusabalele.
Amaphoyisa ase-United States aqalise uphenyo ngalolu daba, kanti umsolwa ubhekene namacala anzima ahlobene nokuhlasela ngokudlwengula nokuzama ukubulala.
Iziphathimandla zikhuthaza umphakathi ukuthi uqhubeke nokweseka izisulu zodlame ngokocansi nokubika noma yiziphi izigameko ezinjalo ukuze kuthathwe izinyathelo zomthetho.
Thumela amazwana