UMPHOFETHI MTHETHWA UTHI SEKUSEDUZE UKUFA KUKATHABANI HLATSHWAYO
UMphofethi Mthethwa usekhiphe isexwayiso esiqondiswe kuThabani Hlatshwayo, odume kakhulu ezinkundleni zokuxhumana, ikakhulukazi kuTikTok, lapho evame khona ukuphawula nokugxeka abantu abahlukene.
UMthethwa uthi lesi yisexwayiso sakhe sokugcina kuHlatshwayo, emcela ukuthi aqaphele indlela aziphatha ngayo ezinkundleni zokuxhumana.
Uthi ubona uHlatshwayo engena ebhokisini lomngcwabo, wathi kufanele aqaphele ngoba isikhathi sakhe sokushona akakholelwa ukuthi sesifikile, kodwa uma eqhubeka nokwenza izinto azenzayo ezinkundleni zokuxhumana, “uyazifinyeza izinsuku zakhe zokuphila emhlabeni.”
UMphofethi uphinde wathi uHlatshwayo kufanele acele inyanga yakhe, uKing Bhaka, ukuthi asuse lokho akubiza ngokuthi “umhlolo” omzungezile, ethi isimo sakhe sesibi futhi sibiza ukufa.
Uphinde wathi baningi abantu eNingizimu Afrika abangajabule ngoHlatshwayo, wathi ngisho namathongo akhe awajabule ngaye, ngakho kufanele aqaphele futhi abheke lapho ehamba khona.
UMthethwa uphinde wanxusa nabalandeli bakaHlatshwayo ukuthi bangambuki nje, kodwa bamkhuze ngendlela aziphatha ngayo.
“Ngicela iziwengu zikaHlatshwayo lezi ezimbiza ngo-Putin ukuba zimkhuze ngoba kubi azobhekana nakho,” kusho uMphofethi Mthethwa.
Buka i-video kwaMthethwa👇
Thumela amazwana