UTHABANI HLATSHWAYO USONGELA UBABU NALA NO KHUZANI NGOKUBUYISELA IMALI ENGAPHEZU KUKA-R200 000 KUBO-KA SCEBI
UThabani Hlatshwayo uthi uzofusegisa uBabu Nala, ongumphathi waMathole Funeral, kanye nomculi kamaskandi uKhuzani Mpungose uma bengabuyiseli imali engaphezu kuka-R200 000 ethi yaqoqwa ngabaculi bakamaskandi ngenhloso yokusiza umndeni kaScebi ngezindleko ezihambisana nokungcwatshwa kukaGupta noScebi.
UHlatshwayo uthi le mali akufanele ibanjwe noma isetshenziswe enye indawo, egcizelela ukuthi imali yaqoqelwa ukusiza abakwaDlamini.
Uthi uKhuzani akamazi kahle, umuzwa ngendaba.
UHlatshwayo uphinde waveza ukuthi akazwani “nabafana abangezwa” uma ekhuluma, ebhekise kuBabu Nala noKhuzani. Uthi laba bangamadoda amadala kodwa benza izinto azibona zifana nezabafana abancane.
“Ubanqumela ugwayi kaTiki, abathathe imali yakubo kaScebi bayihambise,” kusho uHlatshwayo, eveza ukuthi le mali kufanele ibuyiselwe emndenini.
Uphinde wagcizelela ukuthi le mali ayiyona eyaMathole Funeral, kodwa uthi “eyakwaDlamini.”
Buka ividiyo ngezansi:👇
Thumela amazwana