Owesifazane Ucela Usizo, Uthi Uhlaselwa “Imimoya” Emtshela Ukuthi Kagane iSilo uMisuzulu kaZwelithini
Owesifazane ogama lakhe nguMathombi Cele ucele usizo emphakathini, ethi sekuyiminyaka emine ehlushwa “imimoya” emtshela ukuthi kufanele agane iSilo samaZulu, uMisuzulu kaZwelithini.
UMathombi uthi le nkinga yaqala ngesikhathi kusaphila iSilo esidala, uGoodwill Zwelithini. Uthi ngaleso sikhathi imimoya yayimtshela ukuthi ayotshela odokotela esibhedlela ukuthi bamkhulule ngoba “bayamthwebula”. Uthi kusukela lapho izwi alikaze limshiye, kanti manje selimcindezela ngokuthi akayoxolisa endlunkulu ngoba “akazange adlulise umlayezo” weSilo esidala.
“Sekuyiminyaka emine ngiphila nalokhu. Ngicabanga ukuthi mhlawumbe uma ngingaya endlunkulu ngiyoxolisa, kungase kuphele,” kusho yena.
Uthi useke wahamba ezinkonzweni ezahlukene efuna usizo, kodwa akakatholi isixazululo. “Ngihambe cishe zonke izinkonzo. Ngesonto eledlule ngijoyine neyamaSulumane, kodwa kusefana,” echaza.
Indaba kaMathombi isuse ukukhathazeka kwabanye emphakathini, abathi udaba olunjena lufuna ukusondelwa ngokucophelela nangobuhlakani. Abanye bakhuthaza ukuthi uma umuntu ezwa noma ebona izinto ezingavamile eziqhubeka isikhathi eside, kubalulekile ukufuna usizo lodokotela noma ochwepheshe bezempilo yengqondo.
Thumela amazwana