Owesilisa osolwa ngokweba iPhone ushayiwe ngemoto, waphuthunyiswa esibhedlela ePaarl East
Kube nesigameko esishaqisayo ePaarl East lapho owesilisa obesolwa ngokweba umakhalekhukhwini wohlobo lwe-iPhone emotweni kuthiwa ushayiwe ngemoto ngesikhathi umnikazi wayo emjaha efuna impahla yakhe.
Ngokwemibiko esabalele, kuthiwa lomlisa ubethathe iPhone emotweni ebipakiwe. Umnikazi wemoto nomakhalekhukhwini kuthiwa uqaphele okwenzekayo wabe esemjaha. Kuthiwa ngesikhathi emjaba, umshayise ngemoto ngenhloso yokumumisa nokubuyisa ifoni yakhe.
Lomlisa ulimale kanzima wabe esiphuthunyiswa esibhedlela ukuze ithole usizo lwezempilo. Akwaziwa okwamanje isimo sakhe.
Amaphoyisa aphinde anxusa umphakathi ukuthi uma bebhekene nobugebengu, baxhumane nabo kunokuzithathela umthetho ngezandla, njengoba lokho kungaholela ekulimaleni noma ekubhekaneni namacala.
Thumela amazwana