Isotsha lidubule unkosikazi walo washona, maqede lazidubula nalo lashona eMgungundlovu
Isigameko esibuhlungu senzeke ePietermaritzburg, KwaZulu-Natal lapho isotsha, uKhulekane Sithole, kuthiwa libe nengxabano nonkosikazi walo besemzini wabo.
Kubikwa ukuthi ngesikhathi ingxabano iqhubeka, lesi sotsha sithathe isibhamu sadubula unkosikazi waso kaningi, washona lapho. Ngemuva kwalokho, kuthiwa siphendule isibhamu sazidubula sona, sashona endaweni yesigameko.
Lesi sigameko sishiye umphakathi uthukile futhi udabukile, kanti laba bashadikazi bashiye izingane zabo ezimbili ezisasele zingenabazali. Amaphoyisa aseqalile uphenyo ukuze kutholakale imininingwane ephelele ngalesi sehlo.
Uma wena noma omunye umuntu ebhekene nodlame lwasekhaya noma izingxabano ezingaba yingozi, sicela nifune usizo ngokushesha ezikhungweni eziseduze noma nishayele izinombolo zosizo. Impilo ibalulekile.
Thumela amazwana