Owesilisa (52) udutshulwe wabulawa ngesikhathi ebanjwa inkunzi, bezama ukumduna imoto KwaMashu.
Owesilisa oneminyaka engu-52 ubudala udutshulwe wabulawa kulandela isigameko sokubanjwa inkunzi bezama ukumduna imoto esenzeke eduze komgwaqo uDumsani Makhaye, eduze kweKwaMashu A Section, namhlanje ekuseni.
Izisebenzi ze-KZN VIP Emergency Medical Services ziphuthumele endaweni yesigameko zathola isisulu silele amamitha ambalwa kude nemoto yenkampani ayisebenzisayo. Ube nezibhamu eziningi emzimbeni futhi akabonisanga zimpawu zokuphila. Odokotela bezimo eziphuthumayo bamemezele ukuthi useshonile lapho.
Ngokwemibiko yokuqala, kuthiwa abasolwa ababili abanezikhali babemlindile ngesikhathi ephuma ekhaya eya emsebenzini. Kuthiwa ngesikhathi bebhekana, isisulu sizame ukubaleka kodwa silandelwe sadutshulwa kaningi.
Lesi sigameko sishiye izakhamuzi zakule ndawo zikhathazekile kakhulu ngokuphepha, kanti abaningi baveze ukwesaba nokuhlukumezeka ngenxa yodlame oluqhubekayo.
Onogada bezokuphepha, abalandeli (tracking agents) kanye ne-South African Police Service babizelwe endaweni ngemuva kokusebenza kwezinhlelo zokulandela (tracker). Uphenyo seluqalile kanti okwamanje akukaboshwa muntu.
Thumela amazwana