Unogada wakwa-SBV udubule wabulala ozakwabo ababili wabe esezidubula naye ngenxa yotshwala, eMidrand ngemuva nje kwesikhungo iGallagher Convention eMidrand.
Bobathathu kuthiwa bashonele endaweni yesigameko ngabezimo eziphuthumayo ngesikhathi befika.
Kukholakala ukuthi onogada abashonile bebezipholele ndawonye bephuza utshwala ngesikhathi kuqala ingxabano. Abomthetho babizelwe endaweni yesigameko. Abashonile baneminyaka engu-29 no-31 ubudala, kanti abasolwa ngobugebengu uneminyaka engu-36 ubudala.
Labo nogada babesawugqokile umfaniswano wabo ophelele womsebenzi,kuqinisekisa okhulumela amaphoyisa aseGauteng uLft Colonel Mavela Masondo.
Thumela amazwana